Rialachas Corparáideach

Is gné lárnach den Údarás Póilíneachta é an rialachas corparáideach éifeachtach i ndáil le dualgais reachtúla an Údaráis a thabhairt chun críche le hionracas agus i gcomhréir lena  cheanglais reachtúla. Is cuid riachtanach freisin é an rialachas corparáideach de bhainistíocht cheart éifeachtach ár n-eagraíochta.

Déantar cur síos in ár gCreat Rialachais (pdf) ar na struchtúir, beartais agus próisis atá i bhfeidhm chun na dualgais sin a thabhairt chun críche. Déantar foráil ann freisin do mheasúnú oibiachtúil ar an bhfeidhmíocht bhainistíochta agus chorparáideach.

Tá an tÚdarás faoi réir an Chóid Chleachtais um Rialachas  Comhlachtaí  Stáit agus Chaighdeán Rialachais Chorparáidigh na Státseirbhíse. Tá an tÚdarás tar éis roinnt doiciméad rialachais eile a fhorbairt agus a ghlacadh maidir leis an mbealach ina oibríonn sé. Tá teacht orthu siúd anseo thíos.